Hormatly Prezidentimiz Serdar Berdimuhamedow güýçli ýagyşlar sebäpli emele gelen suw joşgunlarynyň köp sanly adam pidalaryna, şikes ýetmelere hem-de weýrançylyklara getirendigi zerarly Indoneziýa Respublikasynyň Prezidenti Prabowo Subianta hem-de Tailandyň Patyşasy Maha Wajiralongkorna gynanç hatyny iberdi.
Döwlet Baştutanymyz şu kynçylykly pursatda gurban bolanlaryň dogan-garyndaşlaryna we ýakynlaryna ýürekden gynanjyny hem-de medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.