Şu gün hormatly Prezidentimiz Serdar Berdimuhamedow iş sapary bilen Russiýa Federasiýasyna ugrady. Şol ýerde Russiýanyň Prezidenti Wladimir Putiniň çakylygy boýunça 1941 – 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy.
Beýik Ýeňşiň 80 ýyllygyna bagyşlanan Moskwadaky dabaralarda Gyzyl meýdanda Türkmenistanyň Aýratyn hormat garawuly batalýonynyň harby gullukçylary hem peýda boldular. Türkmenistanyň harby gullukçylary Russiýanyň hem-de dünýäniň birnäçe döwletinden gelen harby gullukçylar bilen deň hatarda Gyzyl meýdanda ýöräp geçdiler.
Şeýle hem Gyzyl meýdandaky harby ýörişe Belarusyň, Gazagystanyň, Gyrgyzystanyň, Täjigistanyň, Özbegistanyň, Wýetnamyň, Müsüriň, Hytaýyň, Laosyň, Mongoliýanyň we Mýanmanyň harby gullukçylary gatnaşdy.
Russiýadan bolsa, 11 müňden gowrak goşunyň dürli görnüşlerinden 11 müňden gowrak harby gullukçy Ýeňiş gününiň dabaralaryna gatnaşdy.
Umuman, Russiýanyň Prezidenti Wladimir Putiniň baştutanlygynda geçirilen dabaralara Hytaý Halk Respublikasynyň Başlygy Si Szinpin bilen bir hatarda Belarusyň, Gazagystanyň, Gyrgyzystanyň, Täjigistanyň, Özbegistanyň, Müsüriň, Mongoliýanyň, Serbiýanyň we käbir Afrika döwletleriniň Prezidentleri gatnaşdy.