«Galkynyş» gaz käniniň dördünji tapgyry özleşdirmek maksady bilen, “Galkynyş” gaz döwlet kärhanasy döredildi. Bu barada Türkmenistanyň Prezidenti tarapyndan degişli Karara gol çekildi.
“Watan” habarlar gepleşiginde bellenilip geçilişi ýaly, Türkmenistanyň Prezidenti Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda Ministrler Kabinetiniň Başlygynyň orunbasary Guwanç Agajanow «Galkynyş» gaz känini özleşdirmegiň dördünji tapgyrynda ýylda 10 milliard kub metr harytlyk gazy taýýarlaýan desgany gurmak we ulanyş guýularyny burawlamak işlerine badalga bermek dabarasynyň geçirilendigi barada hasabat berdi.
Bu taslamany üstünlikli durmuşa geçirmek babatda “Türkmengaz” döwlet konserniniň garamagynda hojalyk hasaplaşygynda işleýän Galkynyş” gaz döwlet kärhanasy dörediler.
Mälim bolşy ýaly, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň hem-de Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, HHR-iň Döwlet Geňeşiniň Premýeriniň birinji orunbasary Din Sýuesýanyň gatnaşmagynda «Galkynyş» gaz känini özleşdirmegiň dördünji tapgyryna badalga berlipdi.
Bu dabara “Ata Watan Media” topary hem gatnaşypdy.