Azerbaýjan 2028-nji ýylda Garaşsyz Döwletleriň Arkalaşygynda (GDA) başlyklygy öz üstüne almaga we şol ýylyň güýzünde GDA-nyň döwlet baştutanlarynyň Geňeşiniň mejlisini geçirmäge taýýardyr.
Bu barada Azerbaýjanyň Prezidenti Ilham Aliýew “Awaza” milli syýahatçylyk zolagynda geçirilen GDA-nyň döwlet Baştutanlarynyň Geňeşiniň mejlisinde mälim etdi.
“Awaza” milli syýahatçylyk zolagynyň “Awaza” toplumynda geçirilýän hem-de Türkmenistanyň Prezidenti Serdar Berdimuhamedowyň başlyklyk etmegindäki sammite Russiýanyň Prezidenti Wladimir Putin, Belarusyň Prezidenti Aleksandr Lukaşenko, Ermenistanyň Premýer-ministri Nikol Paşinýan, Gazagystanyň Prezidenti Kasym-Žomart Tokaýew, Gyrgyz Respublikasynyň Prezidenti Sadyr Žaparow, Täjigistanyň Prezidenti Emomali Rahmon, Özbegistanyň Prezidenti Şawkat Mirziýoýew, Azerbaýjan Respublikasynyň Prezidenti Ilham Aliýew hem-de GDA-nyň Baş sekretary Sergeý Lebedew gatnaşdy.