“Türkmengaz” döwlet konserniň ýolbaşçylary Birleşen Arap Emirlikleriniň senagat we öňdebaryjy tehnologiýalar ministri, Abu-Dabi milli nebit kompaniýasynyň (ADNOC) baş direktory Sultan Ahmed Al-Jaber bilen wideokonferensiýa arkaly duşuşyk geçirdi.
Duşuşygyň barşynda gaz pudagynda hyzmatdaşlyk taslamalaryny durmuşa geçirmek bilen baglanyşykly meseleleriň giň toplumy ara alnyp maslahatlaşyldy. Hususan-da, ADNOC kompaniýasynyň “Galkynyş” gaz käniniň özleşdirilmegine hem-de Türkmenistanyň alyp barýan halkara energetika taslamalaryna gatnaşmagy babatda pikir alşyldy.
2023-nji ýylyň başyndan bäri BAE-niň ADNOC iri kompaniýasy gaz pudagyndaky halkara düzgünlere laýyklykda, “Türkmengaz” döwlet konserni bilen netijeli hyzmatdaşlyk alyp barýar.
Wideokonferensiýa arkaly duşuşygyň dowamynda Türkmenistan bilen Emirlikleriň arasyndaky hyzmatdaşlyk etmegiň şertnamalaýyn-hukuk binýadyny pugtalandyrmak, durmuşa geçirilýän taslamalary ykdysady we tehniki jähtden garamak boýunça ikitaraplaýyn ygrarlylygyň bardygy bellenildi.
