Belarus Respublikasynyň Orşa etrabynda «Güýç agzybirlikde, agzybirlik dünýäde!» atly ýaşlaryň maslahaty we festiwaly geçirildi. Bu barada vitbichi.by Internet saýty habar berýär.
Orşa lukmançylyk kolležinde geçirilen dabaralaryň çäginde Belarusda okaýan türkmenistanly talyplar döredijilik we el işlerini sergisini hem ýaýbaňlandyrdylar. Ýeri gelende aýtsak, biziň ildeşlerimiziň birnäçesi bu kolležiň talyplarydyr.
Türkmen we belarus halklarynyň dostlugyna bagyşlanan sergide milli lybaslar, halk döredijiligi eserleri, el senetçiliginiň görnüşleri we beýleki gymmatlyklar görkezildi. Türkmen talyplarynyň türkmen we belarus dillerinde ýerine ýetiren aýdymlary, oýnan tanslary has-da täsirli boldy diýip, neşir ýazýar.