JEMGYÝET

Türkiýäniň Prezidenti Türkmenistanyň Prezidentini Nowruz baýramy bilen gutlady

Türkiýe Respublikasynyň Prezidenti Rejep Taýyp Ärdogan Türkmenistanyň Prezidentine Nowruz baýramy mynasybetli gutlag hatyny iberdi.

Gutlag hatynda şeýle diýilýär:

Siziň Alyhezretiňize we Türkmenistanyň halkyna tebigatyň täzelenişiniň, topragyň janlanmagynyň nyşany hökmünde her ýyl bellenilýän Nowruz baýramy mynasybetli tüýs ýürekden gutlaglarymy ibermäge şatdyryn. Nowruz gadymy baýram bolup, bereketli günleriň ýetip gelendigini buşlaýar. Umumy medeniýetimiziň aýrylmaz bölegi bolan baý many-mazmunly bu baýramda dost-doganlyk gatnaşyklarymyzyň has-da pugtalandyryljakdygyna berk ynanýaryn.

2024-nji ýylyň biziň üçin täze mümkinçiliklere we üstünliklere beslenjekdigine umyt edýärin. Umumy maksatlarymyza ýetmek üçin ikitaraplaýyn gatnaşyklarymyzy yzygiderli pugtalandyrmaga hem-de mundan beýläk-de işjeň hyzmatdaşlyk etmäge çalyşýandygymyzy beýan etmek bilen, Siziň Alyhezretiňize we doganlyk türkmen halkyna berk jan saglyk, bagtyýarlyk, rowaçlyk arzuw edýärin.

 

Related posts

Türkmenistanyň we Nigeriň daşary işler ministrleriniň telefon söhbetdeşligi

Putin: Russiýa bilen GDA-nyň haryt dolanyşygy 110 milliard dollardan geçdi

Asya oyunlarına 100 gün kaldı: Ankara Etkinlikleri

vepa