Özbegistanyň paýtagty Daşkent şäherinde türki döwletleriň – Azerbaýjanyň, Özbegistanyň, Türkmenistanyň, Gyrgyzystanyň, Gazagystanyň, Tükriýäniň, şeýle hem Wengriýanyň futbol federasiýalarynyň ýolbaşçylarynyň duşuşygy geçirildi.
Azerbaýjanyň Futbol federasiýasynyň habar bermegine görä, bu duşuşykda futboly ösdürmäge degişli meseleler ara alnyp maslahatlaşyldy. Duşuşyga Aziýanyň Futbol Konfederasiýasynyň hem-de UEFA-nyň wekilleri hem gatnaşdy.
Taraplar milli ýygyndylar hem-de futbol toparlarynyň arasynda halkara ýaryşlary guramak babatda pikir alyşdylar. Şeýle hem futbol hünärmenleriniň, tälimçileriniň we eminleriniň arasynda hyzmatdaşlygy ýola goýmagyň möhümdigi bellenildi.