Nädip täze ýyly Şelkunçiksyz geçirip bolar. Bu spektakl birnäçe ýyl bäri edil arça we sowgat ýaly täze ýylyň nyşany bolup gelýär. Her ýylyň dekabr aýynda ony dünýäniň ähli teatrlarynda ýa-da täze ýyl şowhunlarynda spektakl edip oýnaýarlar ýa-da sazlaryny çalýarlar. Bu ýyl bolsa, “Ähli wagtda Şelkunçik” atly täze ertekiniň sazlaryny Rasul Klyçewiň ýolbaşçylyk etmeginde döwlet simfoniki orkestriniň ýerine ýetirmeginde dekabr aýynyň 28-ne sagat 18:00-da Türkmenistanyň Nebitgaz medeni merkezinde şowhunly konsertiň boljakdygyny habar berýäris. Şeýle hem, dekabr aýynyň 15-ne Türkmenistan kinoteatrynda siziň halaýan täze ýyl aýdymdyr sazlaryňyz italýan heňinde ýaňlanar. Konsertde fortepianoda Wladimir Mkrytumow, saksafonda Merdan Ýazmyradow, bas-gitarada Igor Şewsow, kakylyp çalynýan saz guralynda Timur Oraýew dagylar çykyş ederler. Täze ýyl şowhuny bilen özüňiziň we ýakyn dost-ýarlaryňyzyň şähdini açyň.