FIFA Dünýä Kubogynyň saýlama tapgyrynyň Ýewropa zolagynda “A” toparçada Portugaliýanyň ýygyndysy öz meýdançasynda Lýuksemburgy 5-0 hasabynda ýeňdi.
Futbol äleminiň öňdebaryjysy Kristiano Ronaldo oýnan her duşuşygynda täze rekordlaryň eýesi bolýar. Bu duşuşykda 8-nji, 13-nji hem-de 87-minutlarda tapawutlanan Ronaldo milli ýygyndydaky gollarynyň sanyny 115-e ýetirdi. Karýerasyndaky 58-nji, milli topardaky 10-njy het-trigini eden Ronaldo dünýä çempionatynyň saýlama tapgyryndaky gollarynyň sanyny 36-a ýetirdi.
Şeýlelikde, ol Lionel Messi bilen deňleşdi. 2021-nji ýylda hem Messi hem-de Ronaldo futbol topary hem-de milli ýygyndynyň düzümindäki gollarynyň sanyny 38-e ýetirdi.
Milli ýygyndylaryň iň köp gol geçiren futbolçysy rekordyny yzygiderli artdyrýan Ronaldo milli ýygyndylarda iň köp het-trik eden futbolçy boldy.
Ronaldo Dünýä çempionatynyň saýlama tapgyrynda 36 gol geçirdi. Ol bu ugurda gwatemalaly Karlos Ruisiň rekordyna golaýlady (39).
