Şu ýylyň maý aýynda “Xiaomi” şereketi bütin dünýäde “Redmi Note 8” telefonynyň 25 milliondan köp satylandygyny mälim etdi. Şereket bu satyşy gutlamak üçin “Redmi Note 8 2021” telefonyny tanyşdyrdy. Gök, ak we gara reňklerde öndürilen telefon satuwa hem çykdy. Bu telefonyň “Redmi Note 8″ telefonyndan tapawudy ýok diýen ýaly. Telefonda selfi kamerasy, 6.3” FullHD+LCD ekran, arka tarapda barmak yzyny okaýjy sistema we 4 sany kamera bar.
“Helio G85 SoC” prosessoryndan güýç alýan telefonyň dürli görnüşli ýada eýe bolan modelleri (3 GB/64 GB, 4 GB/64 GB, 4 GB/128 GB) hem bar.
Şeýle hem bu telefon Bluetooth 5.2, “Android 11” arkaly işleýän MIUI 12.5, 4000 mAh batareýa, USB-C baglanyş nokady we 22.5W tiz zarýad bilen üpjün edilipdir.
Maksat TAGANOW,
Magtymguly adyndaky Türkmen döwlet uniwersitetiniň
žurnalistika hünäriniň talyby.