Dünýäniň iň köp ilatly ýurtlarynyň biri hasaplanýan Hindistan Oksford uniwersitetiniň “AstraZeneca” britan-şwed kompaniýasy bilen bilelikde işläp düzen täze görnüşli koronawirusa garşy sanjymyny tassyklan ýurtlaryň biri boldy. Hindistanyň ýolbaşçylary bu sanjymy ulanmaga rugsat berdi. Bu barada metbugat gulluklary habar berýär.
Oksford uniwersiteti we “AstraZeneca” tarapyndan işlenip düzülen “Covid-19” sanjymy üçin gyssagly ygtyýarnama ýüz tutmasy Hindistanda öwrenilýärdi. Ýurduň saglygy goraýyş işgärleri geçen hepde “AstraZeneca” bilen ýakyn aragatnaşykda bolandyklaryny we “Oksford-AstraZeneca” sanjymynyň tassyklanjakdygyny habar beripdiler.
Hindistanyň hökümeti gyssagly ulanmak üçin “Oksford-AstraZeneca” sanjymyny tassyklandygyny habar berdi. Şeýlelikde, Hindistan “Oksford-AstraZeneca” sanjymyny tassyklan ilkinji ýurtlaryň hatarynda boldy. Bu sanjymy ilkinji bolup, Beýik Britaniýa soňra Argentina tassyklapdy.
Bu tassyknama bile ýurtda köpçülikleýin sanjym geçirmek işine girişilip bilner. Ýurtda öňümizdäki ilkinji 6 aýda 300 million adamyň sanjym edilmegine garaşylýar.
Şeýle hem “Pfizer-BioNTech” kompaniýalary tarapyndan işlenip düzülen sanjymyň hem tassykanmagyna garaşylýar. Ýurduň hökümeti bu sanjym bilen bir hatarda ýene-de azyndan 2 sanjymy tassyklamagy meýilleşdirýär.
Global pandemiýa şertleri tamamlanandan soňra haýsy ýurda syýahata gitsem diýýänler we syýahat etmegi söýýänleriň sahypasy
