Dünýäniň iň gymmat kompaniýalarynyň biri bolan “Microsoft” kompaniýasy 5 ýylyň dowamynda Meksika döwletine 1,1 milliard dollar maýa goýar. 1,4 trillion dollar bazar bahasy bolan bu kompaniýanyň ýolbaşçylaryndan Satýa Nadella bu maýa goýumyň möçberi 5 ýyly gurşap aljakdygyny belledi.
Onuň bellemegine görä, kompaniýa bu ýurtda maglumat toruny gurup, şol ýerde sanly ulgam hyzmatlaryny bermegi meýilleşdirýär. Munuň hasabyna ýurduň edaralarynyň we adamlaryň sanly tehnologiýadan giňden peýdalanmagyna giň mümkinçilik dörediler.