Angliýanyň “Liwerpul” toparynyň kolumbiýaly hüjümçisi Luis Dias Ispaniýanyň “Barselona” toparynda oýnamaga isleg bildirýär. Sport neşirleriniň habar bermegine görä, kolumbiýaly futbolçy bu baradaky gyzyklanmasyny ispan toparynyň sport boýunça direktory Deko ýetirdi.
Bu transferiň möwsümiň ahyryndaky transfer döwründe amala aşmagy mümkin.
2022-nji ýyldan bäri Angliýanyň “Liwerpul” toparynda çykyş edýän Luis Dias şu möwsümde 35 duşuşykda 13 gezek tapawutlandy. Onuň iňlis topary bilen şertnamasy 2027-nji ýylda tamamlanýar.