“Inter” topary Italiýanyň kubogynyň finalynda “Lasio” toparyny 2:0 hasaby bilen ýeňip, kubogyň eýesi boldy. Duşuşyk Rim şäherinde geçirildi.
Oýnuň 14-nji minutynda “Lasionyň” oýunçysy Adam Maruşiç öz derwezesine pökgi girizdi (awtogol). 35-nji minutda bolsa Lautaro Martines hasaby 2:0-a ýetirdi.
“Inter” şu möwsümde eýýäm ýurduň çempiony bolmagy hem başardy. Klub öz taryhynda 10-njy gezek Italiýanyň kubogyny gazanyp, bu görkeziji boýunça ikinji orna geçdi. Rekord bolsa 15 gezek bu kubogy eýelän “Ýuwentus” toparyna degişlidir.
Geçen ýyl Italiýanyň kubogyny “Bolonýa” topary gazanypdy.