Kuweýt döwletiniň Ýokary kazyýetiniň kazylarynyň hataryna ýurduň taryhynda ilkinji gezek 8 zenan kazy bellendi. Bu barada “Le Figaro” neşiri habar berýär.
Bu zenan kazylar Ýokary kazyýetiň düzümindäki 54 kazynyň hataryna girýär.
Mälim bolşy ýaly, kuweýtli zenanlara 2005-nji ýylda ses bermek we saýlawlara gatnaşmak hukugy berildi.
Şeýle hem 2005—nji ýylyň iýunynda Massuma al-Mubarak ýurduň ilkinji zenan ministri boldy. 4 ýyldan soňra zenanlar Kuweýtiň parlamentiniň düzümine saýlanyp başlady.