Ýarym goragçy Ilkaý Gündogan Angliýanyň “Mançester Siti” toparyna gaýdyp geldi. Bu barada iňlis topary habar berýär.
Asly türk german futbolçy bilen 1 ýyllyk şertnama baglaşyldy. Mundan ozal, Gündogan Ispaniýanyň “Barsleona” toparynda oýnady.
33 ýaşyndaky Gündogar 2016-2023-nji ýyllarda Angliýanyň “Mançester Siti” toparynyň düzüminde çykyş edip, bu topar bilen köp sanly kuboklary gazandy. Ol 5 gezek Angliýanyň çempiony bolup, 4 gezek Angliýanyň kubogyny, 2 gezek Angliýanyň liga kubogyny we 2 gezek Angliýanyň Superkubogyny gazandy.
Şeýle hem ol Çempionlar ligasynyň kubogyny gazandy. Ilkaý Gündogan iňlis toparyndan ozal, Germaniýanyň “Borussiýa”, “Nýurnberg” we “Bohum-2” toparlarynda çykyş edipdi.
Ilkaý Gündogan Germaniýanyň milli ýygyndysy bilen 82 duşuşykda oýnady. Golaýda ol Germaniýanyň milli ýygyndysyndaky karýerasyny bes etdi.