Germaniýanyň Toparlar Birleşigi täze möwsümden başlap, futbol muşdaklarynyň stadionlara dolanmagy barada karar kabul etdi.
1-nji we 2-nji ligalaryň 36 toparynyň gatnaşmagynda geçirilen onlaýn ýygnakda «Covid-19» pandemiýasy sebäpli tomaşaçysyz oýnalýan oýunlaryň täzeden janköýerler bilen geçirmek baradaky meýilnama tassyklandy.
2020-2021-iň möwsümi 18-nji sentýabrda, Germaniýanyň Kubogy ugryndaky duşuşyklaryň 1-nji tapgyry bolsa, 11-14-nji sentýabrda oýnalmagy meýilleşdirilýär.
Tomaşaçylaryň stadiona dolanmagy oýunlaryň has-da gyzgalaňly alnyp barylmagy bilen bir hatarda maddy üpjünçiligiň ýokarlanmagyna ýardam eder.
Tomaşaçylar stadionda jemgyýetçilik aralygy saklap, degişli lukmançylyk düzgünlerini ýerine ýetirmeli bolar.