Antarktidanyň iň uly doňaklygynyň aşagynda ýyly suwly köl tapyldy. Bu ýerde ylmy işleri geçirýän alymlaryň bellemeklerine görä, kölüň ululygy Amerikanyň Florida ştatynyň ululygy bilen deňdir we kölüň käbir ýerleriniň suwunyň gyzgynlygy onuň ýokarsyndaky doňaklygy eredýär.
Soňky ýyllarda dünýäde howanyň üýtgemegi bilen baglanyşykly Antarktidada uly özgerişlikler bolup geçýär. Uly doňaklyklaryň eremegi bilen onda şu wagta çenli belli bolmadyk delilleriň üsti açylýar. Alymlar ondaky doňaklyklaryň eremegi bilen dünýä ummanyndaky suwlaryň köpelmeginden howatyrlanýarlar.
Dünýäniň günorta böleginde ýerleşýän yklymda geçirilen barlag işleri bu ýerde howanyň gyzgynlyk derejesiniň barha artýandygyny görkezýär.
