Birnäçe hepde mundan ozal, Türkmenistanda geçirilen “Arkadagyň säheri” atly kinofestiwala gatnaşan Türkiýäniň meşhur aktýory Burak Özçiwit bu gezek Saud Arabystanyna gitdi. Ol bu ýerde Saud Arabystanynyň “Al-Nasr” toparynyň düzüminde çykyş edýän, Portugaliýanyň ýyldyzy Krsitiano Ronaldo bilen duşuşdy.
Burak Özçiwit bilen Kristiano Ronaldonyň bilelikdäki suraty jemgyýetçilik torunda uly gyzyklanma döretdi. Türk aktýory özüniň haýran galýan futbolçysy bilen Saud Arabystanyda geçirilen dabarada duşuşmak mümkinçiligine eýe boldy.
Burak Özçiwit Ronaldo bilen düşen suratyny 24,8 million yzarlaýjysy bolan “Instagram” jemgyýetçilik tory arkaly muşdaklaryna ýetirip, onda portugal futbolçysynyň janköýeridigini belledi.
1984-nji ýylda doglan Burak Özçiwit häzirki wagtda Türkiýede we dünýäniň köp sanly ýurdunda uly gyzyklanma bildirilip, tomaşa edilýän “Kuruluş: Osman” teleserialynda baş keşbi janlandyrýar.