Katarda badalga alan hem-de Aziýanyň iň güýçli milli ýygyndysyny yglan etjek Aziýanyň Kubogy boýunça futbol çempionaty dowam edýär.
Ýer eýeleri Kataryň milli ýygyndysy açylyş duşuşygynda Liwanyň ýygyndysyny 3:0 hasabynda ýeňdi. Şenbe güni oýnalan duşuşyklarda Awstraliýa Hindistany 2:0 hasabynda utdy. Özbegistanyň ýygyndysy bolsa, Siriýanyň ýygyndysy bilen 0:0 hasabynda deňme-deň oýnady.
Ýekşenbe güni, ýagny şu gün Ýaponiýanyň ýygyndysy Wýetnam, Eýranyň ýygyndysy Palestina bilen duşuşar.
Duşenbe güno Günorta Koreýa Bahreýn bilen duşuşar. Sişenbe güni Saud Arabystany bilen Omanyň arasyndaky duşuşyklar bilen birini tapgyr jemlenýär.
Aziýanyň Kubogy ýaryşy 2023-nji ýylyň tomsunda geçirilmelidi. Ýöne çempionaty gurnajak ýer eýeleriniň Hytaýdan Katara geçmegi bilen, ýaryşy 2024-nji ýylyň gyşynda geçirmek makul bilindi. Şeýlelikde, ýaryş Aziýanyň Kubogy-2023 ady saklap galdy.