Arkadagyň ýoly — parahatçylygyň we ynanyşmagyň ýoly

Berkarar döwletiň täze eýýamynyň Galkynyşy döwründe gün-günden şanly menzilleri nazarlaýan döwletimiziň daşary syýasatynyň ösüşi okgunly häsiýete eýedir. Çünki ýurdumyzyň ýylsaýyn hil we mazmun taýdan baýlaşýan halkara gatnaşyklarynyň özeninde halkymyzyň parahatçylyk, dostluk, hyzmatdaşlyk, birek-birege hormat goýmak we ynanyşmak ýaly asylly ýörelgeleri dur. Bu, şol bir wagtyň özünde, ýurdumyzyň sebit we dünýä ähmiýetli başlangyçlarynyň giň goldawa eýe bolmagynda-da täze sahypalary açýar. Biz bu hakykata ýaňy-ýakynda ýurdumyzyň halkara durmuşy bilen baglanyşykly bolup geçen şanly wakalaryň mysalynda hem şaýat bolduk.

Parahatçylyk, ynanyşmak, durnukly ösüş — bular Garaşsyz, baky Bitarap ýurdumyzyň daşary syýasat strategiýasynda ileri tutulýan ugurlaryň hataryny düzýär. Bu ugurdaky öňe ilerlemeler ýurdumyzyň dünýäniň ösen döwletleri we abraýly halkara guramalary bilen hyzmatdaşlygyny has-da berkidýär. Ýaňy-ýakynda BMG-niň Baş Assambleýasynyň 79-njy sessiýasynyň 25-nji plenar mejlisinde Türkmenistanyň başlangyjy esasynda «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamanyň biragyzdan kabul edilmegi baradaky gelip gowşan hoş habar hem ýurdumyzyň ygtybarly we ynamly hyzmatdaş hökmünde dünýä jemgyýetçiliginde ornuny has-da pugtalandyrýandygynyň nobatdaky subutnamasy boldy. Bilşimiz ýaly, özygtyýarly, baky berkarar Watanymyz hemme taraplaýyn strategik we uzak möhletleýin häsiýete eýerýän, ýurtlaryň we halklaryň bähbitlerine ýugrulan başlangyçlary netijesinde Birleşen Milletler Guramasynyň hem-de oňa agza döwletleriň iň ýakyn we ygtybarly hyzmatdaşlarynyň birine öwrüldi. Bu hakykaty «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamany kabul etmek boýunça Türkmenistanyň başlangyjyna gurama agza ýurtlaryň köpüsiniň hem-de sebitiň ähli ýurtlarynyň awtordaş bolup çykyş edendigide aýdyňlaşdyrýar.

Hemişelik Bitaraplygymyzyň 29 ýyllyk baýramyna golaýlaşýan günlerimizde ýurdumyzyň syýasy-jemgyýetçilik durmuşyny bezän bu hoş habar halklaryň arasynda parahatçylygy berkitmek, birek-biregiň tekliplerine hormat goýmak, iki taraplaýyn we köp taraplaýyn hyzmatdaşlygy pugtalandyrmak ýörelgeleriniň «Açyk gapylar» syýasatyny alyp barýan Türkmenistanyň daşary syýasatynyň möhüm bölegidigini ýene bir gezek tassyklady.

Edil şol günlerde hormatly Prezidentimiziň Russiýa Federasiýasynyň Tatarystan Respublikasynda geçirilen XVI BRICS sammitine gatnaşmagy we oňyn teklipleri, asylly başlangyçlary öňe sürmegi halkara jemgyýetçiliginiň durnukly ösüş maksatlaryna ýetmäge gönükdirilen tagallalaryna Garaşsyz Türkmenistanyň işjeň gatnaşýandygyny äşgär etdi. Döwlet Baştutanymyzyň bu sammitde eden taryhy çykyşynda döwletara gatnaşyklarynda ykdysady hyzmatdaşlygy giňeltmek bilen birlikde dürli ugurlarda, şol sanda durnukly ösüş maksatlaryny ýerine ýetirmekde, ekologiýa we azyk howpsuzlygy babatda çylşyrymly ýagdaýlary aradan aýyrmakda, ynsanperwer ulgamda, bosgunlaryň we raýatlygy bolmadyk adamlaryň meselelerini çözmekde, medeniýet, ylym, bilim ulgamlarynda ýurdumyz tarapyndan yzygiderli tagallalaryň edilýändigine we asylly başlangyçlaryň öňe sürülýändigine ünsi çekdi.

Be­ýik akyl­da­ry­myz Mag­tym­gu­ly Py­ra­gy­nyň dog­lan gü­nü­niň 300 ýyl­lyk ýu­bi­le­ýi­niň giň­den bel­le­nil­ýän ýy­lyn­da ba­şy baş­la­nan umumadamzat äh­mi­ýet­li asyl­ly iş­ler eziz Wa­ta­ny­my­zyň he­mi­şe­lik Bitarap­ly­gy­nyň 30 ýyl­lyk baý­ra­my­ny da­ba­ra­lan­dyr­jak 2025-nji — Halka­ra pa­ra­hat­çy­lyk we yna­nyş­mak ýy­lyn­da hem do­wa­mat-do­wam bolar. Şeý­le ro­waç­lyk­lar türk­men döw­let­li­li­gi­niň tag­lym­la­ry­nyň mil­li çäk­le­ri aşyp, dün­ýä ýaý­ra­ýandy­gy­nyň, tu­tuş adam­za­dyň bäh­bi­di­ne hyzmat edýän­di­gi­niň ny­şa­ny­na öw­rü­ler. Şan­ly ýyl­da hal­ka­ra de­re­je­de ge­çi­ril­jek çä­re­le­re hä­zir­den uly taý­ýar­lyk gör­mek, he­mi­şe­lik Bitaraplygy­my­zyň baý­ra­my­ny uly üs­tün­lik­ler bi­len gar­şy­la­mak mö­hüm we­zi­pedir. Üs­tün­lik­ler­dir be­lent sep­git­ler, il­kin­ji no­bat­da, hal­kyň bo­le­lin dur­mu­şy­nyň üp­jün edil­me­gin­de we yk­dy­sa­dy­ýe­tiň pu­dak­la­ry­nyň sazlaşyk­ly ös­me­ginde şöh­le­len­ýär. Çün­ki yk­dy­sa­dy­ýe­tiň kuw­wa­ty we hal­kyň je­bis­li­gi is­len­dik döw­le­tiň özyg­ty­ýar­ly­lygy­ny, ber­ka­rar­ly­gy­ny kes­git­le­ýän esa­sy şert­le­riň iň esa­sy­la­ry­dyr. Gül­läp ösüş­ler ha­kyn­da pi­kir ýö­re­di­len­de, halk ho­ja­ly­gy­nyň mö­hüm pu­dak­lary bo­lan se­na­gat, telekeçi­lik aý­ra­tyn nyg­tal­ma­ga my­na­syp­dyr.

Gah­ry­man Ar­ka­da­gy­my­zyň «Döw­let adam üçindir!», Ar­ka­dag­ly Gah­ry­man Ser­da­ry­my­zyň «Wa­tan di­ňe hal­ky bi­len Wa­tan­dyr! Döw­let diňe hal­ky bi­len döw­let­dir!» di­ýen be­lent şy­gar­la­ryn­dan ruh­lan­ýan halky­my­zyň yh­las­ly zäh­me­ti, röw­şen gel­je­ge sarsmaz yna­my, gazanylýan ösüş­ler, ýe­til­ýän sep­git­ler eziz Di­ýa­ry­my­zyň dün­ýä­dä­ki abraý-mer­te­be­si­niň has-da be­len­de gal­ma­gy­ny şert­len­dir­ýär. Il-ulsumyzyň asu­da, aba­dan dur­mu­şy ug­run­da ýa­daw­syz ala­da­la­ry edip,Wa­ta­ny­my­zy ösüş­le­riň röw­şen ýo­ly bi­len ynam­ly öňe alyp bar­ýan Mil­li Li­de­ri­miziň hem-de hor­mat­ly Preziden­ti­mi­ziň jan­la­ry sag, ömür­le­ri uzak bol­sun!

Seýit Bäşimow, 

Aman Kekilow adyndaky Mugallymçylyk mekdebiniň mugallymy.