Angliýanyň milli ýygyndysynyň futbolçylary 2026-njy ýylyň dünýä çempionatynyň 1/8 final duşuşygynda Meksikanyň toparyny 3:2 hasabynda utdular. Oýun Mehiko şäherinde geçirildi.
Angliýany ýygyndysynda gollary Jud Bellingem (36 we 38-nji minutlarda) hem-de Garri Keýn (60, penaltiden) geçirdiler. Meksikanyň toparyndan bolsa Hulian Kinýones (42) we Raul Himenes (69, penaltiden) tapawutlandylar.
Oýnuň 54-nji minutynda iňlisleriň goragçysy Jarell Kuansa gödek oýny üçin meýdançadan çykaryldy.
Çärjek finalda Angliýany ýygyndysy braziliýalylary 2:1 hasabynda ýeňen Norwegiýanyň topary bilen duşuşar. Bu oýun 12-nji iýula geçilýän gije bolar.
Meksikanyň ýygyndysy 2026-njy ýylyň dünýä çempionaty bilen hoşlaşan ikinji ýer eýesi ýygyndy boldy. Mundan ozal 1/8 final tapgyrynda Marokko toparyndan utulan (0:3) Kanadanyň ýygyndysy ýaryşy tamamlapdy.
Ýene-de bir ýer eýesi bolan Amerikalylar bolsa 1/8 finaldaky oýnuny 7-nji iýulda Belgiýanyň toparyna garşy geçirerler.
Angliýany ýygyndysy yzly-yzyna üçünji gezek dünýä çempionatynyň çärjek finalyna çykdy. Iňlisler 2018-nji ýylda dördünji orny eýeläpdiler, 2022-nji ýylda bolsa 1/4 finalda ýaryşdan çykypdylar.
Meksikanyň ýygyndysy bolsa soňky 40 ýylyň içinde ilkinji gezek çärjek finala çykyp bilmedi. Meksikalylaryň dünýä çempionatlaryndaky iň gowy netijesi 1970-nji we 1986-njy ýyllarda çärjek finala çykmaklary bolup galýar.