Ispaniýanyň “Barselona” topary Erik Abidalyň sport direktory wezipesinden boşadylandygyny habar berdi. Taraplar özara ylalaşygy bilen möhletinden öň şertnamany ýatyrmak kararyna geldiler. Çempionlar ligasynyň ¼ finalynda “Bawariýa” toparyndan (2-8) hasaby bilen ýeňlişe sezewar bolan Kataloniýa topary, esasy toparda üýtgeşme girizip başlady. “Barselona” golaýda baş tälimçi Kike Setýeniň tälimçilik wezipesinde boşadylandygyny hem habar berdi.
2007/08 möwsüminden bäri “Barselona” topary ilkinji gezek kuboksyz galdylar. Abidal 2018-nji ýyldan bäri “Barselonanyň” sport direktory wezipesinde işläp gelýär. Ol bu toparda futbol oýnap, topary köp sanly kuboklar gazanmagyna mynasyp goşant goşan türgendir.