«Volkswagen» kompaniýasynyň «T-Roc Cabriolet» awtoulaglaryny öndürip başlandygyndan, belki, habaryňyz bardyr. Bu awtoulagyň 2020-nji ýylda öndüriljek nusgalary tassyklandy diýlip, dünýä metbugatynda ýazylýar.
Bilermenleriň aýtmagyna görä, şu habar bilen ugurdaş suratda synlaýan ulagyňyz kinniwanja bolsa-da, ol 2020-nji ýylyň modellerine mahsus ençeme aýratynlyklary özünde jemlär. Aslynda, «T-Roc» ulaglarynyň kabriolet görnüşiniň ilkinji dizaýny bilen 2014-nji ýylda tanyşdyrylypdyr. Ýöne şol dizaýndaky ähli aýratynlyklar ulagda heniz-ä jemlenenok. Her niçik hem bolsa täze ulag aňrybaş nusga ýene-de bir ädim ýakynlaşar. Ulagyň 2020-nji ýylyň ilkinji günlerinde satlyga çykmagyna garaşylýar.
«Volkswagen» kompaniýasynyň baş direktory Herbert Diessiň aýtmagyna görä, «T-Rоc» kabrioletiniň iň esasy aýratynlygy rahatlygy bolar. Onuň dünýä bazarynda niçik orny eýeläp biljekdigini bolsa wagt görkezer.
Agageldi ITALMAZOW