Azerbaýjan Respublikasynyň Prezidenti Ilham Aliýew Şäherleriň Bütindünýä Forumyna gatnaşmak üçin baran Türkmenistanyň Prezidentiniň ýanyndaky Arkadag şäheriniň gurluşygy boýunça komitetiniň başlygy Derýageldi Orazowy kabul etdi.
Bu barada Azerbaýjan Respublikasynyň Prezidentiniň metbugat gullugy habar berýär.
Ozal hem habar berşimiz ýaly, Türkmenistanyň Prezidentiniň ýanyndaky Arkadag şäheriniň gurluşygy boýunça komitetiniň başlygy Derýageldi Orazow Şäherleriň Bütindünýä Forumynyň 13-nji mejlisine (WUF13) gatnaşmak üçin Azerbaýjana bardy.
Azerbaýjanda Şäherleriň Bütindünýä Forumynyň 13-nji mejlisi (WUF13) başlaýar. «Report» agentliginiň habar bermegine görä, çäre Baky Olimpiýa stadionynda geçiriler.
Maý aýynyň 22-sine çenli dowam etjek bu forum Azerbaýjan hökümetiniň we BMG-niň Adam we ilatly nokatlar boýunça maksatnamasynyň (UN-Habitat) ýakyn hyzmatdaşlygynda guralýar.