Ýaponiýanyň hökümeti we häkimiýet başyndaky Liberal-demokratik partiýa (LDP) ýurduň täze premýer-ministrini saýlamak üçin parlamentde ses berişligi 21-nji oktýabrda geçirmegi meýilleşdirýärler.
“Japan Today” neşiriniň habar bermegine görä, ses berişlik täze premýer-ministri saýlamak göz öňünde tutulýan parlamentiň nobatdan daşary sessiýasynyň ilkinji güni geçiriler.
Habarda bellenilişine görä, täze hökümet başlygy Sanae Takaiti tarapyndan ýolbaşçylyk edilýän LDP bilen Konstitusion-demokratik partiýanyň arasyndaky syýasy bäsdeşligiň güýçlenmegi sebäpli, ses berişlik gijikdirilip bilinýär.
LDP parlamentiň iki palatasynyň ikisinde hem iň uly syýasy güýç bolup galýandygyna garamazdan, olaryň hiç birinde doly köpçülik seslere eýe däldigi sebäpli, häkimiýet başyndaky partiýanyň ses berişligi yza süýşürip biljekdigi aýdylýar.
Bellläp geçsek, 4-nji oktýabrda Sanae Takaiti Ýaponiýanyň Liberal-demokratik partiýasynyň täze başlygy saýlanypdy. Onuň ýurduň taryhynda ilkinji zenan premýer-ministr bolmagyna garaşylýar.