Germaniýanyň ozalky daşary işler ministri Annalena Berbok täze halkara wezipä aldy. Ol Birleşen Milletler Guramasynyň Baş Assambleýasynyň başlyklygyna saýlandy. Bu barada nemes metbuagty habar berýär.
2-nji iýunda geçirilen ses berişlikde Berbok 167 döwletiň sesini alyp, Baş Assambleýanyň nobatdaky başlyklygyna saýlandy.
Annalena Berbok bu wezipä üçin hödürlenen ýeke-täk dalaşgär boldy. Ol öz çykyşynda goldaw beren ähli döwletleriň wekillerine minnetdarlyk bildirip, Assambleýanyň işini has-da ilerletmek üçin tagalla etjekdigini belledi.
BMG-niň Baş Assambleýasynyň Başlygy mejlislere başlyklyk edýär, edaranyň işlerini utgaşdyrýar, Assambleýa halkara arenasynda wekilçilik edýär. Ol hiç hili syýasy çözgüt kabul etmeýär, diňe wekilçilik we guramaçylyk işlerini alyp barýar.