Şu gün Türkmenistanyň Prezidenti sanly ulgam arkaly Ministrler Kabinetiniň mejlisini geçirdi. Onda Arkadag şäherini mundan beýläk-de ösdürmäge degişli möhüm resminamalara gol çekildi.
“Watan” habarlar gepleşiginde bellenilip geçilişi ýaly, döwlet Baştutanymyzyň gol çeken resminamasyna laýyklykda, Arkadag Medisina klasteriniň birinji tapgyryny gurmak göz öňünde tutuldy.
Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetine degişli binalaryň we desgalaryň taslamalaryny düzmek hem-de olaryň ýanaşyk ýerlerini abadanlaşdyryp gurmak babatda ýerli we daşary ýurt kärhanalary bilen şertnamalar baglaşmaga ygtyýar berildi.
Gurluşyk işlerine 2025-nji ýylyň ýanwarynda başlamak we binalary we desgalary 2027-nji ýylyň ýanwar aýynda ulanmaga doly edip tabşyrmak bellenildi.