ARKADAG ŞÄHERI – YLHAM
ARKADAG ŞÄHERI – BAGTYŇ SÄHERI
Görüň, gül roýuny bezäpdir zerden,
Säherleri aýdyň, gijesi dürden,
Saňadyr yhlasym, bu yşgym her dem,
Gül goýnuň jennetiň baky bahary,
Arkadag şäheri – bagtyň säheri.
Ýetmek bardyr arzuwlaryň ajabna,
Çagyryş bar toýly günleň gujagna,
Bereket ýagdyryp türkmen ojagna,
Gül goýnuň jennetiň baky bahary,
Arkadag şäheri – bagtyň säheri.
Ýörelgesi yklymlara abatlyk,
Höküm sürýär agzybirlik, rahatlyk,
Köňüllere getir ylhamdyr şatlyk,
Gül goýnuň jennetiň baky bahary,
Arkadag şäheri – bagtyň säheri.
Giň sähranyň gülleri dek gülleýän,
Watanyň waspyny dilden goýmaýan,
Arkadagly Serdara ömür dileýän,
Gül goýnuň jennetiň baky bahary,
Arkadag şäheri – bagtyň säheri.
Aýparça Akymowa.
,,Maru-şahu jahan” welaýat gazetiniň uly habarçysy.
Türkmenistanyň Ýaşlar baýragynyň eýesi.