Fransiýa Respublikasynyň Prezidenti Emmanuel Makron Özbegistanyň Prezidenti Şawkat Mirziýoýewiň çakylygy boýunça bu ýurtda resmi saparda bolar. Bu barada Özbegistanyň Prezidentiniň metbugat gullugy habar berýär.
Habarda bellenilip geçilişi ýaly, Emmanuel Makron 1-2-nji noýabrda Özbegistanda resmi saparda bolar. Saparyň maksatnamasyna laýyklykda, Samarkant şäherinde ýokary derejedäki gepleşikler geçiriler.
Özbegistanyň we Fransiýanyň Liderleri iki ýurduň öňdebaryjy kompaniýalarynyň hem-de bank-maliýe institutlarynyň wekilleriniň gatnaşmagynda geçiriljek bilelikdäki işewürler forumyna gatnaşar.
Sammitiň netijeleri boýunça birnäçe hökümetara we pudagaram şeýle hem söwda-maýa goýum ylalaşyklarynyň toplumyna gol çekmek meýilleşdirilýär.