Türkmenistanyň wekiliýeti Bangkok şäherine gulluk iş saparyny amala aşyryp, bu ýerde Aziýa boks konfederasiýasynyň kongresine gatnaşdy. Bu ýerde geçirilen duşuşyklarda guramanyň işiniň jemleirne garaldy, sebitde sporty ösdürmek, türgenleri 2024-nji ýylda geçiriljek Olimpiýa oýunlaryna taýýarlamak meseleleri boýunça pikir alşyldy.
Türkmen tarapy halkara ýaryşlara işjep gatnaşmaga gyzyklanma bildirdi. Mälim bolşy ýaly, türkmen türgeni Baýramdurdy Nurmuhammedow Hytaýyň Hançžou şäherinde geçirilen Aziýa oýunlarynda 71 kilogram agramda çykyş edip, bürünç medala mynasyp bolupdy.
Geçen ýylyň aprelinde Türkmenistanyň Prezidentiniň gol çeken resminamasyna laýyklykda, Parižde geçiriljek Olimpiýa hem-de Paralimpiýa oýunlaryna türkmen türgenleriniň ýygyndysyny taýýarlamak boýunça giramaçylyk komiteti döredildi. Şeýle hem bu taýýarlyk işlerine ylmy esasda çemeleşmeleriň möhümdigi bellenildi.