– Şertnama boýunça Leo ýylda 50-60 million dollar aralygynda hak alar – diýip, Mas belledi. Men Messini öz toparymyza çagyrmak üçin 3 ýylymy sarp etdim. Ýarym ýyl örän çekeleşikli boldy. Futbolçynyň kakasy horhe bilen köp sanly gepleşikler geçirildi, diýip, toparyň ýolbaşçysy belläp geçdi.
Messi bu topara geçýändigini 7-nji iýunda mälim etdi. Dünýäniň iň güýçli futbolçysynyň soňky çykyş eden topary Fransiýanyň “PSŽ” topary boldy. Ol bu topardan şertnamasynyň möhleti tamamlanandan soňra gaýtdy. Ol 2021-nji ýylda fransuz toparyna geçip, dürli ýaryşlarda 74 duşuşykda çykyş edip, 32 gezek tapawutlandy. Messi 2 gezek Fransiýanyň çempiony boldy.
36 ýaşyndaky Messi 2003-2021-nji ýyllar aralygynda “Barselona” toparynyň düzüminde oýnap, 10 gezek Ispaniýanyň çempiony boldy. Messi 7 gezek ýylyň iň gowy futbolçysyna gowşurylýan “Altyn pökgi” baýragyny gazandy.