Gebreýesusyň belläp geçmegine görä, täze görnüşiň çalt depginde ýaýraýandygyny, häzirki wagtda “omikron” görnüşiniň 79 ýurtda hasaba alnandygyny bellenildi.
Häzirki wagtda koronawirusyň bu görnüşi bilen diňe Beýik Britaniýada bir adamyň ýogalandygy bellenilýär.
TÄZE GÖRNÜŞ-TÄZE ÇÄKLENDIRMELER
Ýewropa ýurtlarynda “omikron” görnüşine garşy göreş alyp barmak üçin täze çäklendirmeler göz öňünde tutulýar. Şeýle hem munuň üçin käbir çäreler meýilleşdirilýär.
Italiýada mekdeplerede işleýän ähli adamlara koronawrius ýokanjyna garşy sanjym etmek göz öňünde tuutldy. Sanjymy doly kabul etmek, galyberse-de üçünji dozany hem urdurmak hökmany ýagdaýa getirilýär. Ýurduň hökümeti “omikron” görnüşi sebäpli şeýle çözgütler kabul edýär.
Ýurduň beýleki edaralarynda, hususan-da, polisiýa, gaýragoýulmasyz kömek gulluklary we harby bölümlerde sanjym hökmany bolar. Sanjym bolmadyklara jerime temmileri hem göz öňünde tutulýar.
Niderlandlarda hem koronawirusyň bu görnüşine garşy göreşmek maksady bilen käbir çäklendirmeler meýilleşdirilýär. Mekdeplerde gyşky dynç alyş möwsümi ozal meýilleşdirilen senesinden ir başlar.
Roždestwo hem-de Täze ýyl baýramçylyklarynda iň köp 4 adam myhman çagyrmaga rugsat berilýär.
Ýewropa Bileleşiginiň ähli döwletlerini “omikron” görnüşiniň çalt ýaýramagy howatyrlandyrýar. Öňümizdäki baýramçylyklarda çäklendirmeler göz öňünde tutulýar.
Beýik Britaniýada “omikron” görnüşiniň çalt ýaýramagy bilen sanjymyň 3-nji dozasyny etmek babatda degişli işler ýola goýulýar. Ýurtda 3-nji sanjym almak isleýänleriň sanynyň hem köpelýändigi bellenilýär.
Daniýada hem 40 ýaşdan uly adamlara sanjymyň 3-nji dozasyny etmek babatda degişli işler alnyp barylýar.
Koronawirusyň peýda bolan ýurdy bolan Hytaýda hem “omikron” görnüşi peýda boldy.