UEFA-nyň Çempionlar ligasynda “E”, “F”, “G” ve “H” toparçalarynda 2-nji tapgyryň duşuşyklary geçirildi.
Şol duşuşyklarda “Barselona” topary ýene-de ýeňlişe sezewar boldy. Germaniýanyň “Bawariýa” topary bolsa, uly hasap bilen ýeňiş gazandy.
“E” TOPARÇA
Germaniýanyň ägirdi “Bawariýa” topary Ukrainanyň “Dinamo Kiew” toparyny 5:0 hasabynda ýeňdi. Duşuşykda Robert Lewandowski (2), Serge Gnabri, Leroý Sane we Çopi-Moting tapawutlandy.
“E” toparçanyň beýleki duşuşygynda “Barselona” topary öz mendançasynda Portugaliýanyň “Benfika” toparynda 3:0 hasabynda utuldy. “Benfika” toparyndan Darwin Nunes (2) we Rafa Silwa tapawutlandy.
Çempionlar ligasynda ilkinji duşuşygynda “Bawariýa” toparyna 3:0 hasabynda ýeňlen “Barsleona” topary bu ýaryşda ilkinji gezek şowsuz netijeler gazanýar we mundan soňky duşuşyklarda tijenmese, indiki tapgyra çykmak mümkinçiligini ýitirip biler.
“G” TOPARÇA
Bu toparçada Fransiýanyň geçen ýylky çempiony “Lill” topary myhmançylyukda “Zalsburg” toparyna 2:1 hasabynda ýeňildi. “Zalsburg” toparynda 2 goly hem Karim Ademi öz adyna ýazdyran bolsa, “Lill” toparyndan Burak Ýylmaz tapawutlandy.
toparçadaky beýleki duşuşykda “Wolfsburg” topary bilen “Sewilýa” topary 1:1 hasabynda deňme-deň oýnady.
“H” TOPARÇA
Italiýanyň “Ýuwentus” topary Angliýanyň “Çelsi” toparyny 1:0 hasabynda utdy. Duşuşygyň ýeke-täk goluny 46-njy minutda Federiko Kiesa öz adyna ýazdyrdy.
Bu toparçadaky beýleki duşuşykda Russiýanyň “Zenit” topary öz meýdançasynda “Malmo” toparyny 4:0 hasabynda ýeňdi.