Boliwiýanyň Prezidenti Luis Arse koronawirusa garşy Russiýanyň «Sputnik V» sanjymy bilen sanjym edildi. Bu barada Boliwiýa habar gullugyna daýanyp, RBK habar berdi.
Prezidentiň özi bu barada şeýle diýdi:
― Men sanjym edildim… Munuň ilatyň sanjym merkezlerine gidip, ilkinji dozany almaga itergi berjekdigine ynanýaryn.
Şeýle hem Arse, öň sanjym derejesiniň günde ortaça 6 müňden 8 müň adama çenli bolandygyny we milli hökümet tarapyndan köpçülikleýin sanjym nokatlarynyň döredilmegi sebäpli, günde 52 müňden gowrak adama sanjym etmäge mümkinçilik peýda bolandygyny aýtdy.