2020-nji ýylda edebiýat boýunça Nobel baýragyna amerikaly şahyr Luiza Glýuk mynasyp boldy. Bu barada Şwesiýanyň Korollyk Ylymlar akademiýasynyň Nobel komiteti habar berdi.
Glýuk 1943-nji ýylda doguldy. Ol Massaçusetsiň Uilýams kolležinde, Ýel, Boston we Aýow uniwersitetlerinde iňlis dili mugallymçylyk kärini ýerine ýetirdi. Şahyr özüniň döredijilikli eserleri üçin ABŞ-da birnäçe gezek ýokary baýraklara mynasyp boldy. Ol Amerikanyň şahyrlar akademiýasynyň baýragyna, Tankytçylar jemgyýetiniň milli kitap baýragyna, Pulitser baýragy we beýleki baýraklary gazandy.
Nobel baýragynyň ýeňijiler 5-nji oktýabrdan yglan edilip başlandy. Ilki bilen, lukmançylyk ugry boýunça Nobel baýragynyň ýeňijisi mälim edildi. Olar amerikaly Çarlz Raýs bilen Harwi Olter hem-de angliýaly Maýkl Houton boldy. Olar C gepatit wirusy boýunça açyş etdiler. Bu keseli bejermegiň we gan goýbermegiň üsti bilen ýaýramagynyň öňüni almaga kömek etdi.
6-njy oktýabrda fiziki boýunça Nobel baýragyna britaniýaly Rojer Penrouz, geman Reýnhard Gensel we amerikaly Andrea Gez gara deşigi öwrenmek boýunça geçirilen ylma işi babatda mynasyp boldular.
7-nji oktýabrda Nobel baýragy boýunça komitet 2020-nji ýyl himiýa babatda Nobel baýragynyň ýeňijilerini mälim etdi. Bu baýraga Fransiýadan Emmanuel Şarpantýe hem-de ABŞ-dan Jennifer Daudne eýe boldy.
Koronawirus pandemiýasy sebäpli baýraklary gowşurylyş dabarasy onlaýn geçiriler. Ol 10-njy dekabrda bu baýragy esaslandyryjy şwed telekeçisi we oýlap tapyjy Alfred Nobeliň aradan çykan gününe gabatlanyp geçiriler.
Her bir ugur boýunça Nobel baýragynyň pul möçberi 10 million şwed kronyna çenli artdyryldy (ortaça 1 million dollar).
Nobel baýraklary ajaýyp ylmy açyşlary, oýlap tapyşlary, medeniýetiň ýa-da jemgyýetiň ösüşine goşan goşantlary üçin berilýär.
Ýurdumyzyň sungat ussatlary bilen taýýarlanan bir-birinden gyzykly söhbetdeşlikleri bu sahypamyzdan okap bilersiňiz!
