Angliýanyň “Liwerpul” toparynyň goragçysy Deýan Lowren Russiýanyň “Zenit” toparyna geçdi. “Zenit” topary 31 ýaşly horwatiýaly oýunçy bilen 3 ýyllyk şertnama baglaşdy.
“Zenit” Sankt-Peterburgda Deýan Lowreni garşylaýar we janköýerleri bilen bilelikde üstünlik arzuw edýär! ” diýip, – rus toparynyň web sahypasyndaky habarynda bellenilýär.
Futbolçynyň transferiniň bahasy 12 million ýewro, aýlygy bolsa ýylda 2,5 million ýewro tölenjekdigi habar berildi.
Lowren 2014-nji ýyldan bäri “Liwerpul” toparynda çykyş edip gelýär. “Liwerpul” üçin 185 oýun oýnady we 8 gol geçirdi. 2018/19 möwsüminde “Liwerpul” bilen Çempionlar ligasynda ýeňiji boldy we bu ýyl Angliýanyň çempiony bolmagy başardy. Horwatiýa milli ýygyndysynyň düzüminde 57 oýun oýnady we 2018-nji ýyldaky dünýä çempionatynda kümüş medaly gazandy.