Angliýanyň “Tottenhem” hem-de “Mançester Ýunaýted” toparlary Ýewropa Ligasynyň finalynda duşuşar. Bu toparlar ýarym finalda öz garşydaşlaryndan üstün çykdy.
“Tottenhem” topary Norwegiýanyň “Bude-Glimt” toparyny, “Mançester Ýunaýted” bolsa, Ispaniýanyň güýçli toparlaryndan “Atletiko Bilbao” toparyny uly hasaplar bilen utdy.
Final duşuşygy 21-nji maýda Ispaniýanyň Bilbao şäherinde geçiriler.
“Tottenhem” topary bu derejedäki kubogyň finalyna 4-nji gezek çykdy. 1972-nji we 1984-nji ýyllarda “Tottenhem” topary bu kubogy gazanypdy. “Mançester Ýunaýted” bolsa, 2017-nji ýylda Ýewropa Ligasynyň kubogyny gazandy we 2021-nji ýylda finala çykypdy.
UEFA-nyň gurnaýan ýene-de bir halkara ýaryşy bolan Konferensiýa Ligasynyň finalçylayr hem belli boldy. Onda Angliýanyň “Çelsi” bilen Ispaniýanyň “Betis” toparlary duşuşar.
bu toparlar ilkinji gezek Konferensiýa Ligasynyň finalyna çykdy. “Çelsi” mundna ozal, 2 gezek Çempionlar Ligasynyň kubogyny hem-de 2 gezek Ýewropa Ligasynyň kubogyny gazandy.
“Betis” topary bolsa, Ýewropa kuboklarynyň finalynda çykyş edip görmedi.
Final duşuşygy 28-nji maýda Polşanyň Wroslaw şäherinde geçiriler.