Ispaniýanyň «Barselona» toparynyň hüjümçisi Lionel Messi koronawirus ýokanjy sebäpli wagtlaýynça ýatyrylyp, täzeden başlanan çempionatyň 28-nji tapgyrynda «Malýorka» topary bilen geçirilen duşuşykda bir gezek tapawutlanyp, 2 gezek hem gol pasyny berdi.
Duşuşyk 4:0 hasabynda “Barselonanyň” peýdasyna tamamlandy. Messi ýene-de bir rekordyň eýesi boldy. Ol yzygiderli 12 möwsümden bäri azyndan 20 pökgi geçirip, “La Liganyň” taryhynda uly üstünligiň eýesi boldy.
Messi bu duşuşykda 20-nji goluny geçirdi. Ol bu üstünlige 23 duşuşykda ýetdi.