Türkmenistanyň Döwlet haryt we çig mal biržasynda polipropilen we gysga süýümli pagtany satyn almak boýunça geleşikler baglaşyldy, şol geleşikleriň umumy bahasy 10 mln manatdan gowrak boldy.
Ýerli telekeçiler umumy bahasy 2,6 million türkmen manadyna barabar bolan jemi 100 tonna TPPZ 30 G kysymly polipropileni satyn aldylar. Önümiň bir tonnasynyň bahasy 26 müň 50 türkmen manadyna deň.
Başga bir telekeçi gysga süýümli pagtnyň dürli görnüşleriniň 430 tonnadan gowragyny satyn aldy. Türkmenistanyň Oba hojalyk we daşky gurşawy goramak ministrligi bilen baglaşylan geleşigiň jemi bahasy 7,4 million manatdan gowrak boldy.