Hytaý Halk Respublikasynyň Başlygy Si Szinpin 7-10-njy maý aralygynda Russiýa Federasiýasynda resmi saparda bolar. Si Szinpin Russiýanyň Prezidenti Wladimir Putiniň çakylygy boýunça bu saparyny amala aşyrýar.
Kreml köşgüniň habar bermegine görä, Si Szinpin saparynyň çäklerinde Beýik Watançylyk urşunda gazanylan Ýeňşiň 80 ýyllygyna bagyşlanan dabaralara gatnaşar.
– Moskwada geçiriljek rus-hytaý gepleşiklerinde özara gyzyklanma bildirilýän ugurlardaky strategik hyzmatdaşlygy mundan beýläk-de ösdürmäge gönükdirilen meseleler ara alnyp maslahatlaşylar. Şeýle hem hökümetara hem-de beýleki ikitaraplaýyn resminamalaryň uly toplumyna gol çekiler – diýlip, metbugat beýanatynda bellenilip geçilýär.