Dünýä çempionaty – 2026-nyň saýlama tapgyrynyň “E” toparçasynda çykyş edýän Türkmenistanyň hem-de Özbegistanyň milli ýygyndylarynyň arasynda duşuşyk geçirildi. Onda Türkmenistanyň milli ýygyndysy oňat görkezen hem bolsa, utuk gazanyp bilmedi.
Duşuşyk 3:1 hasabynda Özbegistanyň milli ýygyndysynyň peýdasyna tamamlandy. Duşuşygyň birinji ýarymynyň iň soňky minutlarynda, ýagny 44-nji minutda ildeşimiz Meýlis Durdyýew hasaby 1:0 edip, Türkmenistany öňe çykardy.
Ýöne duşuşygyň ikinji ýarymynda Özbegistanyň ýygyndysyndan Otabek Şukurow 57-nji we 77-nji minutlarda we Eldor Şamuradow 90+1-nji minutda gol geçirip, öz ýygyndysynyň ýeňiş gazanmagyna mümkinçilik döretdi.
“E” toparçasynda beýleki duşuşykda Eýranyň ýygyndysy Gonkongyň ýygyndysyny 4:0 hasabynda utdy. Bu duşuşykda bolsa, Serdar Azmun 2 gol geçirip, ýygyndysynyň ýeňiş gazanmagyna uly goşant goşdy.
Bu toparçadaky nobatdaky duşuşyklar 21-nji noýabrda geçiriler. Şonda Türkmenistanyň ýygyndysy myhmançylyk Gonkongyň ýygyndysy bilen duşuşar.
Özbegistanyň ýygyndysy bolsa, şol gün Daşkentde Eýranyň ýygyndysy kabul eder.