“Mersedes” toparynyň sürüjisi Lýus Hamilton möwsümiň dördünji ýaryşynda ýeňiş gazandy. “Red Bull” toparynyň türgeni Maks Werstappen we “Ferrari”-niň türgeni Çarlz Leklerk ilkinji üçlügiň hataryna girdi. Hamilton şu möwsümdäki üçünji ýeňşini, Silwerstonyň ýolunda ýedinji we karýerasynda 87-nji ýeňşini gazandy.
Lýus Hamilton 88 utuk bilen sürüjileriň sanawynda öňdeligi eýeleýär. Bottas 58 utuk bilen ikinji, Werstappen 52 utuk bilen üçünji ýerde durýar. Indiki bäsleşik 9-njy awgustda ýene-de Angliýada geçiriler.