Russiýa Federasiýasynyň Tatarystan Respublikasynda iş sapary bolýan Türkmenistanyň Prezidenti Serdar Berdimuhamedow XVI BRIKS sammitine gatnaşdy. Russiýanyň Prezidenti Wladimir Putiniň başlyklyk etmeginde üstümizdäki ýylda BRIKS sammitiniň çäklerinde “BRIKS+” formatynda ýokary derejeli duşuşyk guralýar.
Umuman, Kazandaky BRIKS sammitine gatnaşmak üçin 24 döwlet Baştutan derejesindäki wekiliýet bilen gatnaşýar.
– Sizi “BRIKS+” formatyndaky duşuşykda görmekden hoşaldyryn. Giňeldilen düzümdäki bu duşuşyk gurama agza döwletler bilen bir hatarda hyzmatdaşlyk ýurtlaryň arasynda gönüden-göni gatnaşyklary ýola goýmaga giň mümkinçilik döredýär. Şu gezekki sammite Russiýanyň ýakyn goňşulary çagyrdyk. ŞEýle hem BRIKS guramasy bilen has ýakyndan hyzmatdaşlyk etmäge gyzyklanma bildirýän ýurtlaryň ýolbaşçylary geldi – diýip, Wladimir Putin belläp geçdi.
Mälim bolşy ýaly, bu döwletara birleşik 2006-njy ýylda Peterburg halkara ykdysady forumynyň çäklerinde esaslandyryldy. Ilki onuň düzümine Braziliýa Federatiw Respublikasy, Russiýa Federasiýasy, Hindistan Respublikasy we Hytaý Halk Respublikasy girdi. BRIKS-iň işiniň esasy maksady işjeň, deňhukukly dialogy, netijeli hyzmatdaşlygy yzygiderli ösdürmekden ybaratdyr.