Şu gün “Awaza” milli syýahatçylyk zolagynda Hazar ekologiýa sammiti geçirildi. Oňa Hazarýaka döwletleriň Baştutanlary – Türkmenistanyň Prezidenti Serdar Berdimuhamedow, Azerbaýjanyň Prezidenti Ilham Aliýew, Gazagystanyň Prezidenti Kasym-Žomart Tokaýew, Eýran Yslam Respublikasynyň Prezidenti Masud Pezeşkian hem-de Russiýanyň Prezidenti Wladimir Putin gatnaşdy.
Sammitde Hazarýaka döwletleriniň arasyndaky hyzmatdaşlyk gatnaşyklary ara alnyp maslahatlaşyldy.
Soňky ýyllaryň dowamynda Hazarýaka ýurtlary tarapyndan giňişleýin şertnama-hukuk binýady döredildi.
2018-nji ýylda gol çekilen Hazar deňziniň hukuk derejesi hakynda Konwensiýanyň taryhy ähmiýeti nygtaldy. Resminama Hazarýaka bäş döwletiň köp ýyllaryň dowamynda alyp baran bilelikdäki işiniň netijesinde kabul edilendigi bellenildi.