Türkmenistanyň telekeçiler wekiliýeti “SelectUSA” maýa goýum sammitine gatnaşmak üçin resmi sapar bilen Amerikanyň Birleşen Ştatlarynda bolýar. Bu barada ABŞ-nyň Türkmenistandaky ilçihanasynyň jemgyýetçilik torunda habar berilýär.
ABŞ-nyň Türkmenistandaky ilçisi Elizabet Rud bilen bilelikde, wekiliýet ösen tehnologiýalar we önümçilik boýunça hünärmenler tarapyndan geçirilýän maslahatlaryna gatnaşýar. Bu sammite Türkmenistanyň ABŞ-daky ilçisi Esen Aýdogdyýew hem gatnaşdy.
Esasy maksat – hyzmatdaşlygy giňeltmek, täze maýa goýumlaryny çekmek hem-de Türkmenistan bilen Amerikanyň Birleşen Ştatlarynyň arasyndaky ykdysady hyzmatdaşlygy has-da pugtalandyrmakdyr.
Türkmen wekiliýeti öňdebaryjy tehnologiýalar we önümçilik boýunça bilermenleriň ýolbaşçylygyndaky sessiýalara gatnaşýar. Ol hem hyzmatdaşlyk gatnaşyklaryny giňeltmek, täze maýa goýumlaryny höweslendirmek babatda möhüm ähmiýete eýedir.