Şu gün Türkmenistanyň Prezidenti Serdar Berdimuhamedow iş sapary bilen Wengriýa gitdi. Türkmenistanyň Prezidentiniň uçary Budapeşt şäherindäki “Ferens List” adyndaky halkara howa menziline baryp gondy. Bu ýerde Türkmenistanyň Prezidentini resmi adamlar garşylady.
TDH-niň habar bermegine görä, Türkmenistanyň Prezidenti saparyň çäklerinde Wengriýanyň Premýer-ministri Wiktor Orban bilen duşuşar. Duşuşykda dürli ugurlardaky türkmen-wenger hyzmatdaşlygy ara alyp maslahatlaşylar.
Şeýle hem Türkmenistanyň Prezidenti Budapeşt şäherinde geçirilýän ýeňil atletika boýunça dünýä çempionatynyň ýaryşlarynyň hormatly myhmany bolar.