Hormatly Prezidentimiz Serdar Berdimuhamedow jenap Aleksandr Stubba Finlýandiýa Respublikasynyň Prezident saýlawlarynda ýeňiş gazanmagy mynasybetli tüýs ýürekden gutlaglaryny iberdi.
Döwlet Baştutanymyz şu mümkinçilikden peýdalanyp, Finlýandiýa Respublikasynyň saýlanan Prezidenti Aleksandr Stubba berk jan saglyk, bagtyýarlyk we uly üstünlikleri, Finlýandiýanyň halkyna bolsa parahatçylyk, mundan beýläk-de ösüş, rowaçlyk arzuw etdi.