DÜNÝÄ

Türkmenistanyň ilçisi Türkiýäniň Prezidentiniň Baş geňeşçisi bilen duşuşdy

2025-nji ýylyň 17-nji aprelinde Türkmenistanyň Türkiýe Respublikasyndaky Ilçisi M.Işangulyýew Türkiýe Respublikasynyň Prezidentiniň Baş geňeşçisi Çagry Erhan bilen duşuşdy.

Duşuşygyň dowamynda taraplar özara gyzyklanma bildirilýän meseleleriň giň toplumyny ara alyp maslahatlaşdylar. Türkmenistan bilen Türkiýe Respublikasynyň arasyndaky hyzmatdaşlygyň, şol sanda syýasy-diplomatik, söwda-ykdysady we medeni-ynsanperwer ugurlardaky hyzmatdaşlygyň geljegine aýratyn üns berildi.

Şeýle hem, «Halkara parahatçylyk we ynanyşmak ýylyna» hem-de Türkmenistanyň hemişelik Bitaraplygynyň 30 ýyllygyna bagyşlanyp Türkmenistanda we daşary ýurtlarda geçirilmegi meýilleşdirilýän çäreleri bilen bagly möhüm meselelerine hem garaldy. Bu babatda, Ilçi M.Işangulyýew şu ýylyň dowamyndaky halkara derejesindäki çäreleriň we ýurdumyzyň ileri tutýan ugurlarynyň Konsepsiýasy bilen türk tarapyny tanyşdyrdy.

Related posts

Türki Döwletleriň Guramasynyň Samarkant sammiti

Ata Watan Eserleri

Türkmenistanyň Garaşsyzlygynyň 31 ýyllygy mynasybetli sergi öz işine başlady

Halkara ahalteke atçylyk assosiasiýasynyň ýörite halkara baýraklary we kuboklary dörediler